नियमित तपासणीसाठी पुण्यात होतो:..मुखमंत्री सावंत 

नियमित तपासणीसाठी पुण्यात होतो:..मुखमंत्री सावंत 

पणजी:-मुख्यमंत्री प्रमोद सावंत यांनी शुक्रवारी स्पष्ट केले की, ते नियमित आरोग्य तपासणीसाठी पुण्यात गेले होते आणि त्यांचे सर्व वैद्यकीय अहवाल (रिपोर्ट्स) सामान्य आहेत.

त्यांनी सांगितले की, त्यांना रुग्णालयातून डिस्चार्ज देण्यात आला आहे.

एका व्हिडिओ संदेशात सावंत यांनी नमूद केले की, पुणे भेटीदरम्यान त्यांनी ‘रुबी हॉल क्लिनिक’ येथे नियमित वैद्यकीय तपासण्या करून घेतल्या.

“मला एका दिवसासाठी रुग्णालयात दाखल व्हावे लागले होते. माझे सर्व अहवाल सामान्य आहेत. मी रुग्णालयातून डिस्चार्ज घेतला असून, सध्या पुण्यात माझ्या कुटुंबासोबत आहे,” असे मुख्यमंत्री डॉ. प्रमोद सावंत यांनी सांगितले.

त्यांनी सोशल मीडिया आणि प्रसारमाध्यमांच्या काही विभागांमध्ये पसरत असलेल्या अफवांवरही स्पष्टीकरण दिले.

“माझ्या हितचिंतकांना आणि प्रसारमाध्यमांतील मित्रांना मी हे कळवू इच्छितो की, माझे सर्व वैद्यकीय अहवाल सामान्य आहेत. मी एका दिवसात गोव्यात परत येईन आणि माझे दैनंदिन कामकाज पुन्हा सुरू करेन,” असे मुख्यमंत्री डॉ. प्रमोद सावंत यांनी म्हटले.

आपल्या आरोग्याबाबत काळजी व्यक्त करणाऱ्या सर्वांचे मुख्यमंत्र्यांनी आभार मानले.

“माझ्या आरोग्याविषयी काळजी व्यक्त केल्याबद्दल मी सर्वांचा आभारी आहे,” असे मुख्यमंत्री डॉ. प्रमोद सावंत यांनी म्हटले.