गुन्हे शाखेने वास्को पोलीस ठाण्याकडून  माधव खट्टर (गौतम खट्टरचा भाऊ) याला अटक केली आहे.

गुन्हे शाखेने वास्को पोलीस ठाण्याकडून  माधव खट्टर (गौतम खट्टरचा भाऊ) याला अटक केली आहे.

पर्वरी :- आज, या कार्यक्रमाच्या आयोजकांना गुन्हे शाखेत बोलावण्यात आले आणि त्यांची पुढील चौकशी करण्यात आली. या चौकशीदरम्यान अशी माहिती समोर आली आहे की, गौतम खट्टरचा भाऊ श्री. माधव खट्टर हा वास्को येथील कार्यक्रमासाठी गौतमसोबत उपस्थित होता. तसेच, गौतम खट्टरने सेंट फ्रान्सिस झेवियर यांच्या विरोधात केलेल्या आक्षेपार्ह विधानाचा व्हिडिओ माधवनेच चित्रित केला होता आणि त्यानंतर तो सोशल मीडिया प्लॅटफॉर्मवर प्रसारित केला होता, ही बाबही तपासात स्पष्ट झाली आहे. आयोजकांनी पुढे असेही सांगितले आहे की, कार्यक्रमात गौतमच्या उपस्थितीबाबत समन्वय आणि इतर व्यवस्थांच्या (लॉजिस्टिक्स) नियोजनासाठी ते माधवशीच चर्चा करत होते. विमान तिकिटे, राहण्याची व्यवस्था आणि ५१,००० रुपये या अटींवर माधवने गौतमच्या उपस्थितीला संमती दिली होती.

तपासाच्या आधारे, ही बाबही उघड झाली आहे की, गौतमने जे भाषण दिले होते, ते त्याचे भाऊ श्री. माधव खट्टर यांनीच तयार केले होते; तसेच ते भाषण माधवनेच चित्रित केले होते, जेणेकरून ते सोशल मीडिया प्लॅटफॉर्मवर प्रसारित करता येईल. त्यानुसार, या गुन्ह्यात प्रत्यक्ष सहभाग असल्यामुळे त्याला या प्रकरणात सह-आरोपी करण्यात आले आहे.

गौतम खट्टरच्या घरावर रात्रभर पाळत ठेवल्यानंतर, हरिद्वार येथे आधीच तळ ठोकून असलेल्या गोवा पोलिसांच्या पथकाला आज माधव खट्टरचा ठावठिकाणा शोधण्यात यश आले आणि त्यांनी त्याला ताब्यात घेतले. त्याला तिथेच अटक करण्यात आली असून, पुढील तपासासाठी त्याला गोव्याला आणले जात आहे.

गुन्हे शाखेने मुख्य आरोपी श्री. गौतम खट्टर याच्या विरोधात ‘लुक-आऊट नोटीस’ (Look Out Notice) जारी केली असून, ती ‘ब्युरो ऑफ इमिग्रेशन’कडे पाठवली आहे; जेणेकरून त्याला देशाबाहेर पळून जाता येणार नाही.

उपलब्ध पुराव्यांच्या आधारे मुख्य आरोपी गौतम खट्टरचा शोध घेण्यासाठी, गुन्हे शाखेचे पथक देशातील विविध प्रमुख शहरांमध्येही तळ ठोकून आहे.