ग्रेट इंडियन ट्रॅव्हल बाजार पुरस्कार (GITB) २०२६ मध्ये गोवा पर्यटनाला ‘सर्वोत्कृष्ट MICE डेस्टिनेशन’ पुरस्कार प्रदान *

ग्रेट इंडियन ट्रॅव्हल बाजार पुरस्कार (GITB) २०२६ मध्ये गोवा पर्यटनाला ‘सर्वोत्कृष्ट MICE डेस्टिनेशन’ पुरस्कार प्रदान
जयपूर, २७ एप्रिल २०२६: –  ग्रेट इंडियन ट्रॅव्हल बाजार (GITB) पुरस्कार २०२६ मध्ये गोवा  पर्यटनाला ‘सर्वोत्कृष्ट MICE डेस्टिनेशन’ (Meetings, Incentives, Conferences and Exhibitions) पुरस्काराने सन्मानित करण्यात आले आहे. या पुरस्काराद्वारे, भारतातील ‘MICE’ क्षेत्रासाठी एक अग्रगण्य केंद्र म्हणून राज्याची वाढती प्रतिष्ठा अधोरेखित करण्यात आली आहे.
हा सन्मान अशा वेळी प्राप्त झाला आहे, जेव्हा गोवा स्वतःला प्रामुख्याने केवळ विरंगुळ्याचे (leisure-driven) ठिकाण या प्रतिमेतून बाहेर काढून, एका अधिक वैविध्यपूर्ण आणि उच्च-मूल्यवर्धित पर्यटन परिसंस्थेकडे (ecosystem) रूपांतरित करण्याच्या प्रक्रियेत सक्रियपणे कार्यरत आहे; आणि या स्थित्यंतरात ‘MICE’ क्षेत्र मध्यवर्ती भूमिका बजावत आहे. जागतिक स्तरावरील प्रतिनिधी, उद्योग क्षेत्रातील दिग्गज आणि निर्णयकर्त्यांना आकर्षित करून, हे क्षेत्र उच्च-मूल्यवर्धित पर्यटनाला चालना देत आहे. तसेच, पर्यटनातील हंगामी चढ-उतारांची समस्या सोडवण्यास आणि आदरातिथ्य (hospitality) व संबंधित क्षेत्रांमध्ये व्यापक आर्थिक प्रभाव निर्माण करण्यास ते हातभार लावत आहे.
गोव्याच्या ‘MICE’ परिसंस्थेचे वैशिष्ट्य म्हणजे, व्यवसाय आणि अनुभव यांचा सुरळीत व सहज मेळ घालण्याची तिची क्षमता. संमेलन सुविधांनी (convention facilities) सुसज्ज असलेल्या उच्च दर्जाच्या (premium) हॉटेल्सचा भक्कम पाया लाभल्यामुळे, हे राज्य मोठ्या प्रमाणावरील तसेच विशेषरीत्या नियोजित (bespoke) कार्यक्रमांसाठी विविध प्रकारचे पर्याय उपलब्ध करून देते. दोन कार्यरत विमानतळे आणि देशांतर्गत व आंतरराष्ट्रीय प्रवासासाठी विस्तारत असलेल्या दळणवळणाच्या सुविधांमुळे, राज्याची ही क्षमता अधिकच बळकट झाली आहे.
राज्याचे हे प्रयत्न भारताच्या व्यापक धोरणाशीही सुसंगत आहेत. ‘Meet in India’ सारख्या उपक्रमांद्वारे जागतिक स्तरावर भारताचे ‘MICE’ क्षेत्रातील स्थान अधिक मजबूत करण्याच्या भारताच्या प्रयत्नांमध्ये, गोवा एक प्रमुख योगदानकर्ता म्हणून पुढे येत आहे. G20 पर्यटन कार्यगटाच्या बैठका आणि ‘India Energy Week’ (भारत ऊर्जा सप्ताह) यांसारख्या उच्च-स्तरीय जागतिक कार्यक्रमांचे यशस्वी आयोजन करून, गोव्याने गुंतागुंतीचे आणि मोठ्या स्वरूपाचे आंतरराष्ट्रीय कार्यक्रम हाताळण्याची आपली क्षमता सिद्ध केली आहे.
या सन्मानाबद्दल प्रतिक्रिया व्यक्त करताना, गोवा सरकारचे सन्माननीय पर्यटन मंत्री श्री. रोहन ए. खंवटे म्हणाले, “हा सन्मान भारतातील ‘MICE’ क्षेत्रामध्ये गोव्याची वाढती भूमिका अधोरेखित करतो. अधिक लवचिक आणि उच्च-मूल्यवर्धित पर्यटन परिसंस्था उभारण्याच्या आमच्या दृष्टीकोनात ‘MICE’ क्षेत्राला मध्यवर्ती स्थान आहे; कारण हे क्षेत्र अशा प्रवाशांना आकर्षित करते, जे गंतव्यस्थानाशी अधिक सखोलपणे जोडले जातात आणि महत्त्वपूर्ण आर्थिक प्रभाव निर्माण करतात. व्यवसायासोबतच समृद्ध अनुभव देण्याची आमची अद्वितीय क्षमता, भक्कम पायाभूत सुविधा आणि अखंड दळणवळण व्यवस्था यांच्या जोरावर, भारताच्या जागतिक ‘MICE’ महत्त्वाकांक्षांमध्ये महत्त्वपूर्ण योगदान देण्यासाठी गोवा सुसज्ज स्थितीत आहे.”  याला दुजोरा देत, गोवा सरकारचे पर्यटन संचालक, केदार नाईक पुढे म्हणाले,

“गोव्याची ताकद त्याच्या MICE परिसंस्थेच्या उभारणीत आहे, जिथे पायाभूत सुविधा, सुलभता आणि अनुभव यांचा सुरेख संगम होतो. ही मान्यता, देशांतर्गत आणि जागतिक स्तरावर, गोव्याचे एक पसंतीचे MICE स्थळ म्हणून स्थान अधिक मजबूत करण्याच्या आमच्या सातत्यपूर्ण प्रयत्नांना आणखी पुष्टी देते.”

भविष्यात, गोवा केंद्रित धोरणात्मक पाठिंबा, व्यवसाय सुलभतेत सुधारणा आणि आंतरराष्ट्रीय बाजारपेठांसाठी चार्टर सवलतींसह वाढीव कनेक्टिव्हिटीच्या माध्यमातून आपली MICE सेवा अधिक मजबूत करत आहे.